Seriea 1.18.2 bertsiorako garatua izan zen, rolari garrantzia emateko mod pack pertsonalizatu batekin. Horrez gain, KILAMek garatutako baliabide batzuek inmertsio maila handia eman zioten serieari, hala nola inventory-a moldatzeko data pack bat edo joko barruan elementu animatuen erabilera.

Seriean jarduera, malgutasuna eta berrikuntza bermatzeko, astero mantenuak egiten ziren, eta horietan eduki ugari gehitzen zen. Horrela, atrakzio-parke bat, hiriaren azpiko estolderia sistema oso bat, berritutako eraikin asko eta parte-hartzaileen istorioarekin batera egokitutako hainbat hobekuntza gehitu ziren.

Jokalari guztiek beren roletan murgiltzeko aukera izan zezaten, eszenatoki maila bereko bat eraikitzea ezinbestekoa zen. Seriea garatu zen Savona hiria hutsetik eraiki zen: errepideak, parkeak, supermerkatuak, urbanizazioak, hondartzak, suhiltzaileen egoitza, komisaria, ospitalea, jatetxeak, hotelak… Edozein rol motarako beharrezkoa zen guztia.

Horrez gain, hiriko eremu ezberdinen erabilera sustatzeko, administrazioak etengabe ekitaldiak antolatzen zituen hirian zehar: zooan ihes egin zuten tximinoetatik hasi eta urpeko jarduerak, festa pribatuak, suteak, lapurretak antolatuak eta askoz gehiago.